Вазирлар Маҳкамасининг «Наманган» эркин иқтисодий зонаси фаолиятини ташкил этиш чора-тадбирлари тўғрисидаги қарори қабул қилинди. Бу ҳақда Адлия вазирлигининг телеграмдаги «Ҳуқуқий ахборот» канали орқали хабар берилди.

Қарорга мувофиқ, «Наманган» эркин иқтисодий зонаси дирекцияси давлат унитар корхонаси ташкил этилди.

Шунингдек, эркин иқтисодий зона таркибига кирувчи ҳудудлар ҳамда корхона устави тасдиқланди.

Қарор билан тасдиқланган уставга кўра, қуйидагилар дирекция фаолиятининг асосий йўналишларидан ҳисобланади:

«Наманган» ЭИЗ ҳудудида инвестиция лойиҳаларини амалга ошириш учун хорижий ва маҳаллий инвесторларни жалб этиш;

«ягона дарча» тамойили асосида муҳандислик-коммуникация инфратузилмаси тармоқларига уланиш учун зарур бўлган барча рухсатномалар беришни ташкил этиш;

белгиланган тартибда танлаб олинган инвесторлар томонидан мажбуриятларнинг зарур тарзда бажарилишини тизимли назорат қилиш.

Қарорга кўра, дирекциянинг устав фондини шакллантиришга 1 миллиард сўм миқдорида маблағ ажратилади.