Ўзбекистон Солиқ кодексининг янги таҳририни келгуси йилнинг 1 июлига қадар қабул қилиш режалаштирилмоқда, дея хабар қилди Давлат солиқ қўмитаси раиси ўринбосари Олимжон Файзибоев «Газета.uz"га.
Июнда қабул қилинган мамлакат солиқ сиёсатини такомиллаштириш концепциясида янги кодекснинг 1 январда кучга кириши кўзда тутилган эди. Бироқ бу муддат кечиктирилди.
«Ўтишдаги мураккабликлар, солиқ тўловчиларнинг жуда кўплаб саволлари, манфаатларини ҳисобга олиб, муддат 1 июлга қадар узайтирилди. Тадбиркорлар ва солиқ тўловчилар ярим йил аросатда қолмасликлари учун амалдаги Солиқ кодексига жуда кўплаб ўзгартишлар киритилди», — деди у.
Ноябрда Молия вазирлиги Солиқ кодекснинг Солиқ кодекси Махсус қисми лойиҳасини жамоатчилик муҳокамаси учун эълон қилган эди. Икки кун кейин эса президент ҳузуридаги Лойиҳа бошқаруви миллий агентлиги ишлаб чиққан янги кодекс лойиҳаси эълон қилинди. Олимжон Файзибоев Молия вазирлиги таклиф қилган лойиҳани «йўл-йўлакай» деб атади.
Ахадбек Ҳайдаров.
«Ҳозирда Солиқ ислоҳотлари концепцияси жорий этилмоқда, уни татбиқ этиш жараёнида уни такомиллаштириш бўйича янги ғоялар ва таклифлар вужудга келиши мумкин. Биз Солиқ кодексини ҳозир тасдиқлашни истамаймиз, кейин эса имплементация жараёнида уни ўзгартирамиз. Халқаро консултантларимиз уни келгуси йил жорий этишни таклиф этишди», — дея изоҳ берди молия вазирининг биринчи ўринбосари Ахадбек Ҳайдаров «Газета.uz"га.
Ўзбекистон президенти 24 декабрь куни амалдаги Солиқ кодексига ўзгартишлар киритиш тўғрисидаги қонунни имзолади.
