Uzcard карталари эгалари эндиликда NCR SelfServ 6632 банкомат моделлари ёрдамида балансни нақд пул билан тўлдиришлари мумкин. Бу ҳақда Ягона умумреспублика процессинг маркази матбуот хизмати хабар қилди.
Авваллари сўмдаги карталар балансини нақд пул билан тўлдириш учун банкка бориш талаб қилинар эди.
Мазкур моделдаги банкоматларда cash-in ва cash-out амалларини бажаришдан ташқари, нақд хорижий валютани хизмат кўрсатаётган банк белгилаган курс бўйича сўмга айрибошлаш мумкин. Бунда карта эгасидан комиссия олинмайди.
Ҳозирда Agrobank, Халқ банки, Ravnaqbank, KDB ва Hi-Tech Bank банкларига тегишли банкоматларда юқоридаги амалларни бажариш мумкин.
