2018 йил 20 декабрь куни Қорақалпоғистон Республикаси Элликқалъа туманида Сарбий ОФЙда жойлашган уйда яшаган фуқаро С.Б.нинг уйида ёнғин содир бўлди. Бу ҳақда ИИВ ЁХББ ОАВ билан ҳамкорлик қилиш бўлинмаси хабар берди.
Юз берган ёнғин оқибатида уйнинг 165 кв. метр майдонида томи, шифти ва уй жиҳозлари ҳамда ВАЗ 2106 жигули русумли машина зарарланган.
Ёнғинга 4 та ёнғин ўчириш экипажлари жалб этилган. Ўт ўчирувчилар томонидан кўрилган тезкор ҳаракатлар натижасида ёнғин бартараф этилган. Оловни ўчириш вақтида уйнинг ичидан уй эгаларининг тўрт нафари куйган ҳолдаги жасадлари топилган.
Ёнғиннинг келиб чиқиш сабаби аниқланмоқда.
