2018 йил 10 ноябр куни соат 24:00 ларда Термиз шаҳар ИИО ФМБ 1-сонли ИИБ ЖҚГ тезкор вакили Ж.М. хизмат юзасидан бириктирилган «Дамас» русумли, 75/029 VSF давлат рақамли хизмат автомашинасини маст ҳолда бошқариб келиб, шаҳарнинг «Боғишамол» маҳалласи А.Навоий кўчасида хизмат вазифасини ўтаётган вилоят ИИБ ЙҲХБ АЙПХО 1-сафарбарлик гуруҳи ЙПҲ катта инспектори П.Ч.ни уриб юбориб, йўл транспорт ҳодисаси содир этган. Бу ҳақда Бош прокуратура матбуот хизмати хабар берди.
П.Ч. олган тан жароҳатлари натижасида 2018 йил 19 ноябрда Республика шошилинч тез тиббий ёрдам илмий маркази Сурхондарё филиалида вафот этган.
Суд-тиббий экспертизасининг 2018 йил 19 ноябрдаги 207-сонли дастлабки хулосасига кўра, П.Ч.нинг ўлимига бош мия ёпиқ жароҳати, куплаб суяк синиши жарохатлари, ўткир юрак қон-томир етишмовчилиги сабаб бўлган.
Мазкур ҳолат юзасидан 2018 йил 19 ноябрда Термиз шаҳар прокуратураси томонидан Ж.М.га нисбатан Ўзбекистон Республикаси ЖКнинг 266-моддаси 2-қисми билан жиноят иши қўзғатилган.
