«Яндекс Такси» 2019 йилнинг биринчи чорагидан Ўзбекистонда Uzcard орқали тўловларни нақд пулсиз қабул қилишни бошлашни режалаштирмоқда. Бу ҳақда «Яндекс Такси"нинг ЕМЕА ва МДҲ минтақасидаги директори, халқаро стратегия бўйича директор Арам Саргсян «Газета.uz"га хабар қилди.
Нақд пулсиз тўловни жорий этиш бўйича ишларнинг катта қисми якунланган, деди у, бироқ «муаммо шундаки, [Ўзбекистондаги карталарнинг] 90 фоиздан ортиқ қисми — Uzcard. Бизнинг сервисимиз аллақачон Visa ва MasterCard билан ишлай олади ва биз эртагаёқ мамлакатда нақд пулсиз тўловни жорий этишимиз мумкин. Бироқ уларнинг улуши шу қадар кичикки, аҳолининг катта қисми барибир бу имкониятдан фойдалана олмайди», — дея аниқлик киритди у.
Арам Саргсяннинг сўзларига кўра, «Яндекс Такси» мамлакатда хизматни ишга туширишдан аввалроқ Uzcard`ни қўллаб-қувватлаш имкониятлари ҳақида ўйлашни бошлаган эди.
Бироқ, унинг айтишича, муаммо шундаки, Uzcard Visa ва MasterCard стандартларидан фарқ қилувчи идентификация услубини талаб қилади. Мазкур карталарга CVC-код жойлаштирилган — бу тўлов тизимида фойдаланувчиларни идентификациялаш учун ҳимоя коди. Унинг ёрдамида карта мобил иловага боғланади.
«Локал карталарни қўллаб-қувватлай олиши учун мобил иловани Ўзбекистон учун алоҳида қайта кўриб чиқишимиз керак. Бу қилинаяпти. Ўйлайманки, бу йилда эмас, бироқ [2019 йилнинг биринчи чорагида] биз аниқ уни ишга туширишга улгуришимиз керак».
