Чоршанба куни Дубайда бўлиб ўтган Интерполнинг йиллик йиғилишида жанубий кореялик Ким Чен Ян халқаро ташкилот президентлигига сайланди, дея хабар қилди Aljazee телекомпанияси. Жанубий Корея президенти Мун Жэ Иннинг сўзларига кўра, у мазкур ташкилотга раҳбар бўлган илк жанубий кореяликдир.

Ким Чен Ян россиялик Александр Прокопчук номзодидан устун келди. Россия вакилига қарши АҚШ, Буюк Британия ва бошқа Европа мамлакатлари қарши чиқди ва унинг тайинланиши келгусида Россия томонидан огоҳлантириш тизимлари суиистеъмол қилинишига олиб келишини таъкидлади.

Янги раҳбар 2015 йили истеъфога чиққунга қадар 20 йилдан ортиқ вақт давомида полицияда ишлаган. У мазкур лавозимда аввалги раҳбар Мэн Хунвэй ваколати тугаши лозим бўлган 2020 йилга қадар фаолият кўрсатади. Собиқ раҳбар сентябрда ХХРга кетиб, оиласи ва яқинлари билан алоқага чиқмаган эди. Кейинроқ Хитой ҳукумати Мэн Хунвэй истеъфога чиққани, у коррупцияда айбланаётгани ҳақида маълум қилди.