Ҳаваскор боксда жаҳон чемпионати совриндори Санжар Турсунов бугун АҚШда профессионал боксдаги дебют жангини ўтказди, дея хабар қилди Миллий олимпия қўмитаси матбуот хизмати.
АҚШнинг Калифорния штатидаги «Fantasy Springs Casino» аренасида ўтказилган жангда ўзбекистонлик боксчига мексикалик Мегель Кубос рақиблик қилди. Санжар Турсунов жангни жуда фаол бошлади ва иккинчи раунддаёқ рақибини нокаутга учратди. Шу тариқа, 20 ёшли боксчи профессионал рингдаги фаолиятини ғалаба билан бошлади.
Кубос шу кунгача профессонал боксда 31 та жанг ўтказган ва уларнинг 11 тасида ғалаба қозонган (8 таси нокаут билан). 20 та жангда эса мағлубиятга учраган (9 та жангда нокаутга учраган).
