Тошкентнинг Бектемир тумани Ҳусайн Байқаро кўчасидаги «Изопанель» сэндвич-панеллари ишлаб чиқарувчи цех биносида ёнғин содир бўлди.
ИИББ матбуот хизматининг хабар қилишича, ёнғин ҳақидаги хабар Ёнғин хавфсизлиги бошқармасига 9:30 да келиб тушган, 9:56 да олов ўчирилган.
Цех ускуналари ва у ерда сақланаётган хом ашёнинг бир қисми ёнган. Ёнғинга пайвандлаш ишларини бажаришда ёнғин хавфсизлиги қоидаларига риоя этилмагани сабаб бўлгани тахмин қилинмоқда.
