Туркиялик шифокорлар — гинеколог Али Энвер Курт ва онколог Тайфун Ханжилар — Ўзбекистонга ташриф буюриб, Тошкентда бепул тиббий кўрикларни ўтказади. Бу ҳақда тиббиёт мутахассисларининг Ўзбекистонга ташрифини ташкил этаётган Туркиянинг Remed Health компанияси «Газета.uz"га хабар қилди.
Доктор Али Энвер Курт, бепуштликни даволаш ва экстракорпораль уруғлантириш (ЭКО) бўйича мутахассис, 19 ва 20 ноябрь кунлари Clinic Pro шифохонасида икки кунлик консультацияларни ўтказади.
Али Энвер Курт Жерраҳпаша Истамбул университети тиббиёт факультетини тамомлаган, ЭКО, бепуштлик, репродуктив эндокринология, ҳомиладорликни юритиш ва туғруқлар соҳаларида 30 йилга яқин вақт давомида фаолият кўрсатиб келмоқда.
Доктор Тайфун Ханжилар Clinic Pro клиникасида 21−22 ноябрь кунлари қабулларни ўтказади. У радиацион онкология, жумладан ўпка, кўкрак бези, бош ва ўсимталарнинг бошқа мураккаб кўринишлари радиожарроҳлигига ихтисослашган.
1987 йилда Жерраҳпаша Истамбул университети тиббиёт факультетини тамомлаган. Туркиядаги Окан университети ўқитувчиси ҳисобланади.
Remed Health — Туркиянинг тиббиёт компанияси. Унинг вакиллари августда Ўзбекистонга ташриф буюриб, гинеколог Али Энвер Куртнинг бепул консультацияларини ташкил этган эди. Турк мутахассислари тўрт кун давомида Тошкент ва Самарқандда 200 нафардан ортиқ беморларни кўрикдан ўтказиб, ташхис қўйган ва уларга даволаниш режаларини тақдим этган эди.
Турк мутахассислари кўригига ёзилиш учун Remed Health сайтида рўйхатдан ўтиш талаб қилинади.
