Жума куни Мирзо Улуғбек туманидаги Паркент ва Олтинтепа кўчалари чорраҳасида 95-йўналишда ҳаракатланувчи Mercedes-Benz Low Floor автобус ёниб кетди, дея хабар қилди Тошкент ИИББ матбуот хизмати.8-автобус саройига тегишли, «Юнусобод 15- квартал — „Кадишева“ бозори» йўналишида ҳаракатланувчи автобусда (2008 йилда ишлаб чиқарилган) ёнғин юзага келгани тўғрисидаги хабар 14:58 да келиб тушди. Ёнғин 15:11 да ўчирилди.

Ёнғин натижасида транспорт воситасининг мотор қисми ва қисман салон ёнган. Қурбонлар ва жабрланганлар йўқ. Ёнғинга автобус ёнилғи тизимидаги носозлик сабаб бўлган.

10 октябрь куни Учтепа туманидаги Кўкча Дарвоза кўчасида ҳам 87-йўналишда ҳаракатланувчи Mercedes-Benz Low Floor автобусда ёнғин содир бўлган эди.