Халқаро бокс ассоциацияси (AIBA) президенти вазифасини бажарувчи Ғофур Раҳимов ва ташкилотнинг вице-президенти Серик Конакбаев AIBA президентлиги лавозимига номзод этиб кўрсатилди. Бу ҳақда Россия Бокс федерацияси бош котиби Умар Кремлов хабар берди, деб ёзмоқда «Риа Новости"га таяниб ЎзА.
23 сентябрь куни AIBA президенти лавозимига номзодларни кўрсатиш ниҳояланди. Президентликка сайлов 2−3 ноябрь кунлари Москвада бўлиб ўтади.
«Ғофур Раҳимов ва Серик Конакбаевлар номзоди илгари сурилди», — дейди Умар Кремлев.
Айтиб ўтиш керакки, аввалроқ AIBA президенти вазифасини вақтинчалик бажарувчи Ғофур Раҳимов ва Халқаро олимпия қўмитаси (ХОҚ) ўртасида келишмовчилик келиб чиққанди.
ХОҚ Раҳимовга номзодини бекор қилишни тавсия қилган. Акс ҳолда Олимпия дастуридан бокс чиқариб юборилиши мумкинлиги айтади.
Бундай босимларга қарамай Ғ.Раҳимов номзодини илгари сурди.
