Словакияда спорт курашлари бўйича ёшлар ўртасидаги жаҳон чемпионати бўлиб ўтмоқда. Унда ўзбекистонлик курашчилар ҳам совринли ўринлар учун кураш олиб боришмоқда. Бу ҳақда МОҚ матбуот хизмати хабар берди.
Аёллар кураши бўйича баҳсларда ўзбек спорти тарихида илк маротаба қизлар ёшлар ўртасидаги жаҳон чемпионатининг финалида иштирок этади. Актенге Кеунимжаева (-53кг) ва Набира Есенбаева (-62кг) бугун олтин медаль учун баҳсларда япониялик рақибларига қарши гиламга чиқади.
Маълумот учун, Актенге мусобақа давомида Болгария, Мўғулистон, Озарбайжон, АҚШ спортчиларини мағлубиятга учратди. Набира эса Қозоғистон, Белорусь ҳамда Италия вакилларидан устун келиб, финалда иштирок этиш ҳуқуқини қўлга киритди.
Маълумот учун, Набира Есенбаева шу йили катталар ўртасидаги Осиё чемпионатида -57кг вазн тоифасида ва ёшлар ўртасидаги қитъа биринчилигида -59кг вазн тоифасида кумуш медалга эга чиққанди.
