Ўзбекистон Республикаси Вазирлар Маҳкамасининг 2018 йил 3 сентябрдаги қарори билан Азизов Улуғбек Ўктамович Тошкент молия институти ректори лавозимига тайинланди. Бу ҳақда Олий ва ўрта махсус таълим вазирлигининг телеграмдаги канали орқали хабар берилди.
Шу кунга қадар Тошкент молия институти ректори лавозимида Бегалов Баҳодир Абдусаломович ишлаб келаётган эди (институт сайтидаги маълумотлар ҳали янгилангани йўқ).
Тошкент молия институти 1991 йилда Ўзбекистон Республикаси президентининг фармонига кўра Тошкент халқ хўжалиги институтининг молия-кредит ва ҳисоб-иқтисод факультетлари негизида ташкил этилган.
