«Тошшаҳартрансхизмат» акциядорлик жамияти Жанубий Кореянинг «Korea Smart-cart» Co.ltd компанияси билан ҳамкорлик қилиш мақсадида музокаралар олиб бормоқда, дея хабар беради Тошкент шаҳар ҳокимлиги матбуот хизмати.
Мазкур ҳамкорлик натижасида пойтахт транспорт тизимини тубдан такомиллаштириш, айниқса, электрон тўлов тизимини йўлга қўйиш режалаштирилган.
Хусусан, мунтазам фойдаланиш мумкин бўлган ягона тўлов карталарини жорий этиш, жамоат транспортларида замонавий ва янги хизмат турларини йўлга қўйиш, бунда хорижлик ҳамкорлар билан ўзаро тажриба алмашиш, замонавий технологияларни амалиётга татбиқ этиш белгиланган.
