Собиқ СССР халқ артисти, Россия Давлат Думасининг маданият бўйича раҳбарининг биринчи ўринбосари Иосиф Кобзон вафот этди, дея хабар бермоқда РИА Новости.
Халқ артисти 20 июль куни оғир аҳволда касалхонага ётқизилган эди. Қўшиқчининг саломатлиги билан боғлиқ муаммолар 2005 йилда, унда онкологик хасталик аниқланганда маълум бўлганди. Шундан сўнг Иосиф Кобзон бир неча жарроҳлик амалиётлари ва кимётерапия курсларини ўтаганди.
Иосиф Кобзон 1937 йилнинг 11 сентябрь санасида Украинанинг Донецк вилоятидаги Часов Яр шаҳрида туғилган. Болалик пайтиданоқ куйлай бошлаган.
Қўшиқчининг гастроль фаолияти ярим асрдан кўпроқ давом этди. 2012 йилда Ремль Давлат саройидаги ўзининг 75 ёшга тўлиши муносабати билан ўтказиладиган яккахон концертидан кейин концертлар фаолиятини тугатишини айтганди. Бироқ шундан кейин ҳам саҳнага чиқишда давом этди, Россия бўйлаб гастроллар уюштирди ва мамлакатдаги жараёнларда фаол иштирок этди.
