Сурхондарё вилоятининг Бойсун туманида 24 август куни Қизириқ туманида яшовчи Б.Ю.га тегишли «КАМАЗ-5410» русумли юк автомашинаси Бойсун тумани ҳудудидаги баландликда турган вақтида тўсатдан юриб кетиб, шу ерда бўлган О.Э., Ж.С., М.Ў., Н.А. ва Э.Э.ни босиб кетган.
ИИВ Жамоатчилик ва ОАВ билан алоқалар бошқармаси хабарига кўра, содир бўлган воқеа натижасида улардан уч нафари воқеа жойида вафот этган, яна икки нафари эса тан жароҳатлари билан касалхонага ётқизилган.
