Кеча ушунинг таулу йўналишида баҳсларда иштирок этган Дарья Латишева учинчи натижани қайд этиб, финал йўлланмасига эга чиққанди. Бугун спортчи мусобақанинг финал босқичида чиқиш қилди. Бу ҳақда МОҚ матбуот хизмати хабар берди.
Дарья Латишева бугун 12 нафар спортчи ичида иккинчи натижани қайд этди ва мусобақанинг кумуш медалига сазовор бўлди ҳамда Ўзбекистон спорт делегацияси ҳисобига навбатдаги медални қўшиб қўйди.
Таъкидлаш ўринли, бунгача Ўзбекистон Осиё ўйинларида ушу баҳсларида умуман медаль ютмаганди. Бу мамлакат учун спортнинг мазкур тури бўйича қўлга киритилган илк медаль бўлди.
Шу тариқа Ўзбекистон спорт делегациясининг Осиё ўйинларидаги медаллари сони тўрттага етди. Куни кеча уч нафар эркин курашчи олтин ва иккита бронза медаллари соҳибига айланганди.
