Ўзбекистон миллий терма жамоасини бошқарадиган аргентиналик мутахассис Эктор Купер бугун, 6 август куни Тошкентга етиб келди. Бу ҳақда Ўзбекистон футбол ассоциациясининг телеграмдаги расмий канали орқали хабар берилди.

Ислом Каримов номидаги халқаро аэропортда Куперни футбол ишқибозлари, ЎФА раҳбарияти ва жамоатчилик вакиллари кутиб олди.

Эктор Купер бугун Миллий олимпия қўмитасининг анжуманлар залида соат 15:00да футбол мухлисларига таништирилади. Шундан сўнг у билан матбуот анжумани ташкил этилади. Анжуманда барча турдаги ОАВ вакиллари иштирок этиши мумкин.

Эслатиб ўтамиз, Эктор Купернинг сўнгги иш жойи Миср терма жамоаси бўлиб, аргентиналик мутахассис ушбу жамоа билан Россияда ўтказилган жаҳон чемпионатида қатнашганди.