«Ўзбекистон ҳаво йўллари» Миллий авиакомпаниясига тегишли, Истанбулда мунтазам рейсни амалга ошираётган Boeing 767 самолётининг шинаси 2 август куни соат 5:10 да Тошкентга қўниш чоғида ёрилиб кетди.

Авиаташувчининг хабарида айтилишича, тормоз тизимларидан бирининг ишдан чиқиши оқибатида ушбу кўнгилсиз воқеа содир бўлди.

Қўниш одатий кўринишда амалга оширилди. Ҳодиса юзасидан суриштирув бошланди.

Авиакомпания юзага келган ноқулайчилик учун йўловчилардан узр сўради.