Президент 1 август куни «Ўзбекистон Республикасида инвестиция муҳитини тубдан яхшилаш чора-тадбирлари тўғрисида"ги фармонни имзолади.
Чет эл инвестициялари иштирокидаги корхоналар устав фондининг энг кам миқдори 600 миллион сўмдан 400 миллион сўмгача, чет эл инвестициялари иштирокидаги корхоналар устав фондидаги хорижий инвестициялар улушининг энг кам миқдори эса 30 фоиздан 15 фоизгача камайтирилди.
Чет эл инвестициялари иштирокидаги корхонанинг иштирокчиси сифатида хорижий юридик шахс қатнашиши шартлиги тўғрисидаги талаб бекор қилинди. Чет эл инвестициялари иштирокидаги корхоналарни давлат рўйхатидан ўтказиш учун давлат божи миқдори уч бараварга камайтирилди.
Акциядорлик жамиятлари устав фондининг энг кам миқдори 400 миллион сўм миқдорида белгиланди. Ҳозирда, АЖ ва акционерлар ҳуқуқлари тўғрисидаги қонунга кўра, у Марказий банк курси бўйича 400 минг долларни ташкил этади.
