«Ўзбекистон ҳаво йўллари» Миллий авиакомпанияси 14 ва 15 июль кунлари Париж-Москва-Париж йўналиши бўйича чартер қатновларини амалга оширади.
МАК матбуот хизматининг «Газета.uz"га хабар қилишича, компания футбол бўйича Франция терма жамоасининг 480 нафар мухлисини ташийди.
Худди шу кунлари «Ўзбекистон ҳаво йўллари» Загреб-Москва-Загреб йўналиши бўйича ҳам қатновларни амалга оширади. 15 июль куни бўлиб ўтадиган футбол бўйича жаҳон чемпионати финалига 480 нафар Хорватия терма жамоаси мухлисини ташийди.
Рейсларни Boeing 767 самолётларида амалга ошириш режалаштирилган.
