Тошкентнинг Миробод туманидаги 9 қаватли уйнинг гўзаллик салони банд қилган биринчи қаватида ёнғин келиб чиқди, дея хабар қилди Тошкент ИИББ «Газета.uz"га.
Тошкент ИИББ ЁХБ Куч ва воситаларни бошқариш ва мувофиқлаштириш марказига ёнғин ҳақидаги хабар 14:50 да келиб тушди. Ҳодиса жойига иккита ўт ўчириш гуруҳи етиб борди.
Ўт ўчирувчиларнинг аниқлашича, Bell Klio гўзаллик салони устига ўрнатилган соябон ёнган. Олов 2−7 қаватлардаги квартиралар ойналарига шикаст етказган.
15:08 да ёнғин тарқалишига чек қўйилиб, 15:09 да тўлиқ ўчирилган. Қурбонлар ва жабрланганлар йўқ. Ёнғин сабаблари аниқлаштирилмоқда.
