Жорий йилнинг март ойидан бошлаб профессионал бокс жангларида қатнашиб келаётган ўзбекистонлик боксчи Шаҳрам Ғиёсов ўзининг навбатдаги жангини 14 июль куни мексикалик Даниэль Эччевериага қарши ўтказади. Бу ҳақда спортчи ўзининг Фейсбукдаги саҳифасида ёзиб қолдирди.
Шаҳрамнинг ёзишича, мазкур жанг Лос-Анжелесдаги Florentine Gardens Hollywood спорт саройида бўлиб ўтади. Шунингдек, мазкур жангни Ўзбекистонда тўғридан-тўғри трансляция қилиш бўйича музокаралар олиб борилмоқда.
Эслатиб ўтамиз, Шаҳрам Ғиёсов 3 март куни ўзининг илк жангида аргентиналик Николас Веласкесни 8-секунддаёқ нокаутга учратган бўлса, 21 апрель куни венгриялик Габор Горбични очколар бўйича мағлуб этганди.
