Ўзбекистонлик арбитр Равшан Эрматов Россиядаги 2018 йилги жаҳон чемпионатининг қолган учрашувларида фаолият кўрсатмайди. Бунга Халқаро футбол федерацияси (ФИФА) маълумотларига гувоҳлик бермоқда. ФИФА ҳакамлар қўмитаси турнирнинг финал босқичлари учун 17 нафар ҳакам, 37 нафар ассистент ва 10 нафар видеоёрдамчилар рўйхатини эълон қилди.

Мусобақада Алириза Фагани (Эрон), Наваф Абдулла Шукрулла (Баҳрайн), Маланг Дьедиу (Сенегал), Женни Сиказве (Замбия), Марк Гейгер (АҚШ), Жейр Марруфо (АҚШ), Сесар Артуро Рамос (Мексика), Андрес Кунья (Уругвай), Нестор Питана (Аргентина), Сандро Риччи (Бразилия), Мэттью Конжер (Янги Зеландия), Жюнейт Чакир (Туркия), Бьорн Куйперс (Нидерландия), Антонио Мигель Матеу Лаос (Испания), Милорад Мажич (Сербия), Жанлука Рокки (Италия) ва Дамир Скомина (Словения) фаолиятини давом эттиради.

Эслатиб ўтамиз, Равшан Эрматов жаҳон чемпионатидаги икки ўйин: Аргенина — Хорватия (0:3) ва Испания — Марокаш (2:2) учрашувларини бош ҳакам сифатида бошқарди.