Президент Шавкат Мирзиёев 3 июль куни «Ўзбекистон Республикаси ва Тожикистон Республикаси ўртасида ўзбек-тожик Давлат чегарасидаги алоҳида участкалари бўйича Битимни ратификация қилиш ҳақида"ги қонунни имзолади. Қонун Олий Мажлис Қонунчилик палатаси томонидан 31 май куни қабул қилинган бўлиб, 28 июнда уни Сенат тасдиқлаган.

Ўзбек-тожик давлат чегарасидаги алоҳида участкалари бўйича битим Ўзбекистон президентининг давлат ташрифи чоғида, 9 март куни Душанбеда имзоланганди.

Ўтган ҳафта бўлиб ўтган Сенатнинг 15-ялпи мажлисида таъкидланганидек, қонун қабул қилинганидан сўнг томонлар аввал белгиланмаган участкаларнинг 99,9 фоизи ёки 192,7 километри бўйича келишиб олди. Ушбу участкаларда топографик хариталар аллақачон яратилган.