Тошкент ИИББ ЙҲХБ Тошкент тиббиёт академияси ҳудудидаги Махтумқули кўчасидан Абдулла Қодирий кўчасига ва Экопарк ҳудудидаги Қодирий кўчасидан Махтумқули кўчасига ўтиш йўлларини транспорт воситаларининг икки томонлама ҳаракатланиши учун очиш имкониятлари кўриб чиқилаётгани ҳақида хабар қилди.
Бундан ташқари, Махтумқули кўчасида Католик черкови қаршисида ортга қайрилишни ташкил этиш режалаштирилмоқда.
Қайд этиш жоизки, яқинда Католик черкови яқинида узоқ йиллар давомида ёпиқт турган Махтумқулидан Қодирийга ўтиш йўли очилган эди.
Бундан ташқари, Амур Темур шоҳ кўчасида (Аҳмад Дониш кўчаси билан йўл ўтказгич яқинида) ва Буюк ипак йўли кўчасида (шаҳар марказига кетиш йўналишида Мирзо Улуғбек шоҳ кўчаси билан чорраҳагача) ортга қайрилишлар ташкил этилди.
Харитада оч кўк рангда ҳаракат учун очилаётган ва сариқда — кўриб чиқилаётган участкалар белгиланган.
