Россияда ўтказилаётган футбол бўйича жаҳон чемпионатининг нимчорак финал баҳслари давом этмоқда. Бугун ўтказилган Швеция ва Швейцария терма жамоалари ўйинида скандинавияликлар устун келди.
Таъкидлаш ўринли, мазкур баҳсда «банкирлар юрти» вакилларининг устунлиги сезилиб турди. Аммо буни амалда исботлашга уларнинг кучи етмади.
Учрашувнинг 66-дақиқасида Форсберг томонидан киритилган гол ягона бўлиб қолди. Шу тариқа Швеция терма жамоаси чорак финал йўлланмасини ҳал қилди.
Швеция — Швейцария 1:0 (0:0, 1:0)
Гол: 1:0 — 66 Форсберг.
Швеция — Ольсен, Люстиг (Крафт, 82), Линделёф, Гранквист, Аугустинссон, Классон, Свенссон, Экдаль, Форсберг (Ольссон, 82), Берг (Телин, 90), Тойвонен.
Швейцария — Зоммер, Ланг, Журу, Аканжи, Родригес, Беҳрами, Жака, Шакири, Жемаили (Сеферович, 73), Цубер (Эмболо, 73), Дрмич.
Огоҳлантиришлар: Люстиг (31), Беҳрами (61), Жака (68.
Четлатиш: Ланг (90).
