Самарқанддаги «Сам сузани плюс» клиникасида сунъий аборт йўли билан туғилган чақалоқлар савдоси билан шуғулланилган, заиф болаларнинг жасади ёқиб юборилган. Мазкур маълумотлар «Ҳуқуқ» газетасининг 14 июндаги сонида эълон қилинди.
Фераль ойининг охирида мутахасисслиги бўйича болалар врачи бўлган, мазкур клиниканинг бош врачи вазифасида ишлаб келган Нигора Солихонова 13 йилу 2 ойга озодликдан маҳрум этилди. Акушер гинеколог Д. Нажимова эса 13 йилу 6 ойни қамоқда ўтказадиган бўлди. Шунингдек уюшган гуруҳнинг бошқа аъзолари ҳам жазога тортилди.
Самарқанд туғуруқ мажмуасида ишлаган Д. Нажимова ноихтиёрий тарзда юзага келган ҳомиладорликдан халос бўлиш учун қилинадиган, бироқ бундай кўринишдаги абортга тиббиёт рухсат бермайдиганган ҳолатлар бўйича мурожаат юзасидан келган аёллар билан музокара ўтказувчи асосий шахс бўлган. Маълум бир суммага келишилганидан кейин Нажимова аёлларни Солихонованинг клиникасига олиб келган. Ҳомила турли йўллар билан йўқ қилинган, пул эса гуруҳ аъзолари томонидан ўзаро бўлиб олинган.
Маълумотларда келтирилишича, шифохона ходимлари тирик туғилган чақалоқларни сохта ҳужжат билан 500 АҚШ долларидан 2000 АҚШ долларигача бўлган миқдорда фарзандсиз оилаларга пуллаш билан шуғулланиб келишган. Масалан, Н. Солихонова 2014 йилнинг февралида туғилган болани 2500 долларга сотган.
Жиноий гуруҳ фарзанд умидида мурожаат қилган фуқаролардан пуллар олиб, сунъий йўл билан аборт қилинган болаларни сотиб келган. Бунинг учун сохта ҳужжатлар тайёрланган. Суриштирувлар натижасида бу каби ҳолатлар бир неча бор содир бўлгани маълум қилинди.
Клиника сунъий аборт бўйича ўрнатилган тиббиёт қоидаларига умуман эътибор қилмаган. Бир аёл ҳомиладорликнинг 27−28 ҳафтасида мурожаат қилган. Клиника аборт учун 500 доллар олган. Яшаши мумкин бўлган қизалоқ «харидорнинг» йўқ бўлиб қолиши натижасида оч қолади. Ўз навбатида Н. Солихонованинг топшириғи билан чақалоқ Д. Нажимова ишлайдиган туғуруқ мажмуасига жўнатилади. Чақалоқ эса печда ёқиб юборилади.
2016 йилдан бери «Сам сузани плюс» клиникасида фаррош бўлиб ишлаган, судда гувоҳ сифатида қатнашган аёл шундай дейди: «Биз (бошқа фаррош билан — таҳр.) асосан туғуруқдан кейин тозалаш билан шуғуллунганмиз.
Шунингдек беморга овқат берганмиз ва унинг ҳолатини кузатиб турганмиз. Ўлик туғилган чақалоқларни чойшабга ўрардик ёки 18-хонадаги музлатгичга қўярдик. Яшаб қолган, бироқ заиф болаларни ҳам ўша ерга олиб борардик. Агарда боланинг яшаб қолиши мумкинлигини кўрсак, уларни печка билан иситиладиган хонага жойлаштирардик. Мен тирик қолган ва вафот этган чақалоқлар билан кейинчалик нима бўлганини билмайман".
