Россияда ўтказилаётган жаҳон чемпионатининг гуруҳ босқичида бир қатор кутилмаган натижалар қайд этилди. Айниқса кечаги натижалар аксарият ишқибозлар учун сюрприз бўлганига шубҳа йўқ.
Ўз навбатида мамлакат тарихидаги энг кучли таркибига эга бўлиб турган Бельгия терма жамоасининг Панама билан ўйинидан олдин кўпчиликни бир савол қийнай бошлади: бугун ҳам сенсация бўладими?
Биринчи бўлимда европаликлар яққол устунлик қилишди. Америкаликлар эса кутилганидан ҳимояга таянган ҳолда ўйнадилар ва улар 1-таймни дуранг натижа билан якунлашга эришдилар.
Иккинчи тайм бошланиши билан бугун Бельгияни тўхтатиб қолишнинг имкони йўқлиги маълум бўлиб қолди — 47-дақиқадаёқ Мертенс ҳисобни очди.
Шундан сўнг 69 ва 75-дақиқаларда Лукаку икки гол киритиб, учрашувдаги якуний ҳисобни ўрнатди.
Бельгия — Панама 3:0 (0:0, 3:0)
Голлар: 1:0 — 47 Мертенс, 2:0 — 69 Лукаку, 3:0 — 75 Лукаку.
Бельгия — Куртуа, Алдервейрелд, Боята, Вертонген, Менье, де Брюйне, Витцель (Шадли, 90), Феррейра Карраско (Дембеле, 74), Мертенс (Азар, 83), Азар, Лукаку.
Панама — Пенедо, Мурильо, Торрес, Эскобар, Дэвис, Гомес, Барсенас (Торрес, 63), Купер, Годой, Родригес (Диас, 63), Перес (Техада, 73).
Огоҳлантиришлар: Менье (14), Дэвис (18), Барсенас (45), Купер (49), Мурильо (51), Годой (57), Вертонген (59), де Брюйне (88).
