Жаҳон чемпионати гуруҳ босқичининг «С» гуруҳидан ўрин олган Франция — Австралия ўйини мундиал тарихига кирадиган бўлди.
Учрашувнинг дастлабки бўлимида ҳисоб очилмади. Мбаппенинг ўйин бошидаги уриниши омадсиз бўлди. Кейинчалик автралияликларнинг уринишини Льорис тўхтатиб қолди.
Учрашувдаги барча қизиқарли воқеалар иккинчи бўлимда кузатилди. 56-дақиқада австралияликлар жарима майдончасига кириб борган Антуан Гризманн рақиб томонидан йиқитилди. Бош ҳакам дастлаб ўйин қоидаси бузилмаганини кўрсатган бўлсада, сал вақт ўтиб такрорий лавҳага мурожаат қилди ва пенальти белгилади. 11 метрли жаримани жабрланувчининг ўзи аниқ бажарди.
Орадан 4 дақиқа ўтиб Автралия ҳам пенальти тепиш ҳуқуқини қўлга киритди ва Единак бу вазиятдан унумли фойдаланди.
80-дақиқага келиб Пол Погбанинг зарбасидан сўнг тўп чизиқни кесиб ўтгани ёки ўтмагани ҳақида баҳс бўлаётган бир пайтда барчасига голни аниқлаш тизими аниқлик киритиб берди. Бу орқали Погба жаҳон чемпионатлари тарихидан жой олди.
Шу тарзда Франция футболга татбиқ этилаётган технологиялар ёрдамида ғалаба қозонди.
«С» гуруҳи
Франция — Австралия 2:1 (0:0, 2:1)
Голлар: 1:0 — 58, пенальти Гризманн, 1:1 — 62, пенальти Единак, 2:1 — 80 Погба.
Франция — Льорис, Павар, Варан, Умтити, Люка Эрнандес, Толиссо (Матюиди, 78), Канте, Погба, Мбаппе, Гризманн (Жиру, 70), Дембеле (Фекир, 70).
Австралия — Райан, Рисдон, Сэйнсбери, Миллиган, Бехич, Лекки, Единак, Муй, Круз (Арзани, 84), Рогич (Ирвайн, 72), Нэббаут (Юрич, 64).
Огоҳлантиришлар: Лекки (13), Рисдон (57), Толиссо (76), Бехич (87).
