АҚШда расмий ташриф билан бўлиб турган Ўзбекистон президенти Шавкат Мирзиёев Оқ уйда америкалик ҳамкасби Дональд Трамп билан учрашди. Икки давлат президентлари учрашуви «Ўзбекистон 24» телеканали орқали тўғридан-тўғри эфирга узатилди.

Дональд Трамп Шавкат Мирзиёевни Қўшма Штатлар президентининг расмий иш ўрни жойлашган Вашингтондаги президент қароргоҳининг ғарбий қаноти кириш қисмида кутиб олди. Шундан сўнг раҳбарлар матбуот учун қисқа баёнот берди.

Видео

АҚШ раҳбари Ўзбекистон Қўшма Штатлар учун муҳим стратегик ҳамкор эканини таъкидлади. «Ўзбекистон обрўси ортиб бормоқда. Сиз билан Оқ уйда учрашиш биз учун шараф», — деди у. Шавкат Мирзиёев таклиф учун миннатдорчилик билдириб, АҚШ Ўзбекистонни узлуксиз қўллаб-қувватлаётганини таъкидлади.