14 май куни 8:30 да Тошкент ИИББ Ёнғин хавфсизлиги хизматига Чилонзор туманидаги Заргарлик кўчасида 94-йўналишда қатновчи Mercedes-Benz автобуси ёниб кетгани ҳақидаги хабар келиб тушди.
ИИББ матбуот хизматининг хабар қилишича, ёнғин хавфсизлиги хизмати жанговар гуруҳи ҳодиса жойига 8:34 да етиб борди. Ёнғин 8:42 да тўлиқ ўчирилди.
ИИББ маълумотларига кўра, қурбонлар ва жароҳатланганлар йўқ. Ёнғинга ёнилғи тизимининг носозлиги сабаб бўлгани тахмин қилинмоқда. Ҳозирда текширув ўтказилмоқда.
