14−16 май кунлари Ўзбекистонга Германиядан икки томонлама ҳамкорлик тарихидаги энг катта ишбилармонлар делегацияси ташриф буюради. Ташриф Ўзбекистоннинг ГФРдаги элчихонаси томонидан Германия иқтисодиёт шарқий қўмитаси ва Германия-Ўзбекистон ишбилармонлик кенгаши билан ҳамкорликда ташкил этилмоқда.
Ўзбекистоннинг Берлиндаги элчихонасидан «Газета.uz"га хабар қилинишича, делегация таркибидан қурилиш материаллари, қишлоқ хўжалиги машинасозлиги, автомобилсозлик, кимё ва электротехника саноати, қурилиш, банк сектори, туризм, хизмат кўрсатиш ва бошқа соҳаларда фаолият кўрсатаётган немис компанияларидан 70 дан ортиқ вакиллари ўрин олган.
Делегация аъзолари орасида Siemens, МАN, BASF, Nokia, TUI Group, SAP, Knauf, банков Deutsche Bank и Commerzbank каби таниқли компаниялар, шунингдек кичик ва ўрта бизнес вакиллари бор.
15 май куни Тошкентдаги International меҳмонхонасида бизнес-форум ва кооперацион биржа бўлиб ўтади. Худди шу куни Германия-Ўзбекистон ишбилармонлик кенгашининг тўртинчи йиғилиши бўлиб ўтади. Кейинги куни эса делегация аъзолари Бухоро вилоятида Knauf Gips заводининг янги ишлаб чиқариш линиясининг ишга туширилишида қатнашади.
Ташриф доирасида Германия саноат зонасини ташкил этиш режалаштирилаётган собиқ «Алгоритм» заводи ҳудудига ташриф буюриши кўзда тутилган.
Делагация аъзоларининг Ўзбекистон корхоналари вакиллари билан учрашувлари режалаштирилган. Ўзаро истиқболли алоқаларни йўлга қўйиш масаласини муҳокама қилиш мақсадида республиканинг турли ҳудудларига ташриф буюриш режалаштирилмоқда.
