«Газета.uz» ва Zira.uz пазандачилик саҳифаси ўқувчиларга сотувга қўйилган янги маҳсулотлар тўғрисида сўзлаб беради.

Orom эчки сут маҳсулотлари

Тошкент савдо шохобчаларида айланиб юриб, пештахталардаги эчки сут маҳсулотларига кўзингиз тушиши мумкин. Маҳсулот ҳажми 450 граммни ташкил қилиб, ўзимизнинг Ўзбекистонда ишлаб чиқарилган. Қадоғида ёзиб қўйилганидек, маҳсулот 100% табиийдир.

Pure Milky сарёғи

Pure Milky сарёғи зар қоғозли ўрамда бўлиб, маҳсулотнинг оғирлиги 200 граммни ташкил қилади. Сарёғ оч сариқ рангда бўлиб, ёқимли ҳидга эга. Сарёғ таъми ҳам ёқимли бўлиб, шўр эмас. Сарёғни нонга суртиш ҳам қулай бўлиб, бўлиниб ёки майдаланиб кетмайди.

Matti`дан Muesli батончалари

Muesli plus батончалари фойдали ва мазали ширинлик бўлиб, сотувда уларнинг 3 хили мавжуд. Улар қуйидагилардир: «ёнғоқли микс», «какос» ва «шоколад». Бир дона батончанинг оғирлиги 24 грамм.100 грамм маҳсулот 390 кКални ташкил қилади.

Parmigiano Reggiano пармезан пишлоғи

Пармезан итальянча машҳур қаттиқ пишлоқлардан бири бўлиб, у узоқ вақт давомида тайёрланилади. Ҳақиқий пармезан фақатгина қуйидаги масаллилардан ташкил топади: сут, туз, ширдон суви. Маҳсулот қадоғининг икки томонида DOP белгиси (Denominazione di Origine Protetta) бўлиб, бу унинг ҳақиқийлигини билдиради.

Essi`дан Premium сарёғи

Essi сарёғи оч сариқ рангда бўлиб, уни савдо пештахталаридан топиш қийин эмас. Чунки қора рангда қадоқланган бу маҳсулот дарров эътиборни тортади. Маҳсулотнинг оғирлиги 200 граммни ташкил қилади. Маҳсулот таркиби унинг қадоғида ёзиб қўйилган: фақатгина табиий пастеризация қилинган қаймоқдан тайёрланган.

Algida`дан «Keyif» музқаймоғи

Туркияда ишлаб чиқарилган Algida`дан «Keyif» музқаймоғи бирданига 3 хил таъмли музқаймоқлардан ташкил топган. Музқаймоқ майин бўлиб, шакари ўрта меъёрда. Қулупнай таъмлиси эса бироз нордонроқ. Маҳсулот оғирлиги 735 граммни ташкил қилади. 100 грамм маҳсулот қуввати 160 кКал ни ташкил қилади.

Вебсайт: zira.uz
Facebook: fb.com/zirauz
Instagram: @zirauz
Telegram ўзбек тилида: t.me/zirauzuz
Telegram на русском языке: t.me/zirauz
Telegram гуруҳ: t.me/zirauz_chat
Таҳририят телефон рақами: (+99899) 837−15−15