Синхрон сузиш бўйича Ўзбекистон терма жамоаси 27−30 апрель кунлари Токиода бўлиб ўтган FINA Жаҳон серияси босқичида икки медални қўлга киритди. Мусобақаларда 18 давлат вакиллари иштирок этди.
МОҚ матбуот хизматининг хабар қилишича, эркин гуруҳда Ўзбекистон синхрончилари 80.3000 натижа билан бронза медалини қўлга киритди. Биринчи ўринни Япония — 92.2000, иккинчи ўринни эса Франция — 85.7000 жамоалари эгаллади.
Highlight дастурида ўзбекистонлик синхрончилар 79.4000 натижа билан кумуш медални эгаллади. Биринчи ўринни 84.2667 балл билан Франция қўлга киритди.
Highlight — бу акробатик трюклардан таркиб топган мураккаб дастур бўлиб, Ўзбекистон жамоаси учун уларни тайёрлайди.
Қайд этиш жоизки, 20−22 апрель кунлари Хитойда ўтказилган FINA Жаҳон сериясида Хонзода Тошхўжаева ижросидаги эркин солода олтин Highlight дастурида олтин ва эркин гуруҳда бронза медалларини қўлга киритди.
