20 апрель куни ишга туширилган Mening fikrim жамоавий мурожаатлар порталида илк онлайн-петицияларэълон қилинди. Портал ёрдамида фуқаролар парламент палаталари ва халқ депутатлари маҳаллий (вилоят, туман ва шаҳар) кенгашларига мурожаатлар топшириш, шунингдек қонунчиликни такомиллаштириш бўйича таклифлар киритишлари мумкин.
Айни пайтда порталда бешта мурожаат эълон қилинган.
Жумладан:
- якка тартибдаги тадбиркорлик фаолият турлари рўйхатига туризм соҳаси (мавсумий хизмат кўрсатиш)ни киритиш;
- бозорлар ҳисобидаги дўкон ва расталарни онлайн ижарага бериш ва электрон ҳисобга олиш тизимини жорий этиш;
- темир йўл вокзалларига кириб-чиқишни эркинлаштириш;
- аёллар ва эркаклар учун никоҳ ёшини бир хил этиб (18 ёш) белгилаш.
Мурожаатни эълон қилиш учун уни аризачидан ташқари яна энг камида беш киши қўллаб-қувватлаши керак. Мурожаат Қонунчилик муаммолари ва парламент тадқиқотлари институти экспертизасидан сўнг эълон қилинади.
Овоз бериш петиция эълон қилинганидан сўнг 90 кун давом этади. Олий Мажлис уни кўриб чиқиши учун мурожаат энг камида 10 минг, Қорақалпоғистон Жокорги Кенеси ва Халқ депутатлари Тошкент шаҳар кенгаши кўриб чиқиши учун 5000, туман ва шаҳар кенгашлари — овозга эга бўлиши керак.
