Шавкат Мирзиёевнинг таклифига биноан Туркия президенти Режеп Таййип Эрдоған 29 апрель куни Ўзбекистонга ташриф буюради. Бу ҳақда президент матбуот котиби Комил Алламжонов Facebook саҳифасида хабар қилди.

30 апрель куни Кўксаройда бўлиб ўтадиган музокараларда савдо-иқтисодий, инвестициявий ва бошқа соҳалардаги ҳамкорлик масалалари муҳокама қилинади.

1 май куни Туркия президентининг Бухорони зиёрат қилиши режалаштирилган.

Президент Шавкат Мирзиёев 2017 йил октябрда Туркияга давлат ташрифи билан борган эди. Бу Ўзбекистон раҳбарининг сўнгги 18 йил ичида Туркияга амалга оширган биринчи ташриф бўлди.