«Ўзиккиламчиранглиметалл» корхонаси ва жойлардаги маҳаллий ҳокимликлар Ўзбекистон бўйлаб рангли металларни сотиб олиш бўйича мобил қабул пунктлари фаолиятини ташкил этмоқда. Бу ҳақда ташкилотчи матбуот хизмати «Газета.uz"га хабар қилди.
«Ўзиккиламчиранглиметалл» топширилган металларга келишилган нархларда ҳисоб-китоб қилади. Акция республиканинг барча ҳудудларида 14 июнгача давом этади.
Ташкилотчиларнинг қайд этишича, рангли металл кунлари рангли металларни сақловчи ускуна, темир-терсак ва чиқиндиларни қабул қилиш билан шуғулланаётган ноқонуний пунктлар фаолиятига барҳам бериш, шунингдек рангли металлар сақловчи ускуна, темир-терсак ва чиқиндиларнинг ноқонуний айланмаси, уларни ўғирлаш ва зарар етказишга уринишларга чек қўйиш мақсадида ўтказилмоқда.
10 апрелда бошланган тадбирларда шу кунгача 82,5 тонна рангли металл чиқиндиларни қабул қилиб олинди.
«Ўзиккиламчиметалл» мобил пунктларида қабул қилинадиган предметлар рўйхати ва қабул кунлари жадвали.
