Ўзбекистон Ички ишлар вазирлигининг марказий аппарати ва ҳудудий тизимларида раҳбарлик лавозимларига тайинланди, дея хабар қилди ИИВ матбуот хизмати.

Подполковник Қосимов Файзулла Фахриллаевич ИИВ Ахборот технологиялари, алоқа ва ахборотни ҳимоялаш бошқармаси бошлиғи лавозимига тайинланди. Бошқарма ўтган йили президентнинг ички ишлар органлари фаолияти самарадорлигини тубдан ошириш тўғрисидаги фармони билан ИИВ Алоқа бўлими ўрнига ташкил этилган эди.

Тўрт вилоят ИИБ бошлиқларига ҳам ўринбосарлар тайинланди. Жумладан, Тошкент вилоятига — полковник Худайбергенов Илхомбой Тилавбаевич, Жиззах вилоятига — полковник Сафаров Бахриддин Ўролович, Навоий вилоятига (Тергов бошқармаси бошлиғи) — полковник Хасанов Акил Ахатович, Бухоро вилоятига (Тергов бошқармаси бошлиғи) — полковник Холов Фахриддин Илмурадович номзодлари тасдиқланди.

Бундан ташқари, Тошкент вилояти Юқори Чирчиқ тумани ИИБ бошлиғи лавозимига подполковник Ахмеджанов Музаффар Халматович, Андижон вилояти Шаҳрихон тумани ИИБ бошлиғи лавозимига — подполковник Абдужалилов Тохиржон Туйчибоевич, шу вилоятнинг Хўжаобод тумани ИИБ бошлиғи ўрнига — подполковник Юлдашев Акмалжон Фозилжонович ва Сурхондарё вилояти Ангор тумани ИИБ бошлиғи лавозимига — майор Болтаев Мурод Мамаражабович тайинланди.