Ўзбекистонлик боксчилар Шаҳрам Ғиёсов ва Муроджон Аҳмадалиев шанба куни АҚШнинг Нью-Йорк шаҳрида профессионалрийги илк жангларини нокаут билан якунлади.
Бухоролик Шаҳрам Ғиёсов аргентиналик Николас Веласкесга (10−3−0, 3 КО) қарши рингга кўтарилди. Жаҳон чемпиони, Олимпия ўйинлари кумуш медали соҳиби рақибини учрашувнинг 15-сониясида нокаутга учратди.
Наманган бокс мактаби тарбияланувчиси Муроджон Аҳмадалиев эса аргентиналик Дэвид Пас (4−5−1, 0 КО) билан беллашди. Олимпиада бронза медали соҳиби чап қўл билан жигарга зарба бериб, жангни муддатидан олдин тугатди.
