1 мартдан дизель ёнилғисида бир литри учун 4600 сўм (+12,1%), ЭКО турига мансуб дизель ёнилғиси учун эса бир литрига 4700 сўм (+11,9%) миқдорида ягона чакана нарх белгиланди. Бу Вазирлар Маҳкамасининг 28 февралдаги қарорида кўзда тутилган, дея хабар қилди Norma.uz.

Ҳужжатга мувофиқ, ушбу нархдаги дизель ёнилғиси тўғридан-тўғри шартномалар, жумладан қишлоқ хўжалиги маҳсулотлари ишлаб чиқарувчилари ва автомобилларга ёнилғи қуйиш станцияларига истеъмол солиғи ҳисобга олинган ҳолда етказиб берилади.

Фермер хўжаликларига хизмат кўрсатувчи ёнилғи қуйиш шохобчалари босқичма-босқич узоқ муддатга тадбиркорлик субъектларига ижарага берилади. Бу давлат-хусусий шерикчилик шартлари асосида амалга оширилиши мумкин.

Ушбу ёнилғи қуйиш шохобчалари фермер хўжаликларига хизмат кўрсатиш учун дизель ёнилғисини нефть базаларидан чегирма билан тўғридан-тўғри шартнома бўйича сотиб олишлари мумкин.

Дизель ёнилғиси нархлари сўнгги бор 2017 йилнинг ноябрида ошган эди.