Газета.уз ва Зира.уз пазандачилик саҳифаси ўқувчиларга сотувга қўйилган янги маҳсулотлар тўғрисида гапириб беради.
Danfor — юмшатилган пишлоғи
Ишлаб чиқарувчи томонидан пишлоқнинг 3 хил таъмли янги кўринишлари тақдим қилинди: қаймоқли, шоколадли ва қўзиқорин таъмли пишлоқлар. Danfor юмшатилган пишлоқлари барчасининг таркиби бир хил бўлиб, улар қуйидагиларни ўзида сақлайди: пишлоқ, бринза, творог, қаймоқ, қуруқ сут, сариёғ, туз. Таъми деярли бир-биридан фарқ қилмайди: қўзиқоринли пишлоққа қўзиқорин қўшилган, шоколадлиси эса какао кукунини ўзида сақлайди.
Alpro сояли сути
Сутга ўхшаб кетувчи бу маҳсулот соя уруғларидан олинади. Alpro деб аталувчи бу сояли маҳсулотнинг ранги ва суюқлиги худди сутига ўхшаб кетиши учун ҳам уни сут деб аташади. Аслида соядан тайёрланилган ичимлик — сутли маҳсулотларга аллергияси бор, лактозани кўтара олмайдиган одамлар учун ажойиб маҳсулот. Чунки у бемалол сутнинг ўрнини боса олади.
Banana Republic номли қуритилган бананчалар
Ёрқин кўринишли, ноодатий ва янги бир маҳсулот Banana Republic номи остида ишлаб чиқарилган бўлиб, қуритилган банан бўлаклари шоколадли глазурга қоришилган. Бу табиий маҳсулотнинг битта қадоғи 20 дона банан бўлакчаларидан иборат. Уни кўча-куйда, ишда, уйда ва болаларга мактабда истеъмол қилишлари учун бериб юборишда жуда қулай.
Nestleдан Nido сутли ичимлиги
Nido сутли ичимлиги хушбўй ванил таъмли бўлиб, сутга нисбатан сал тўқроқ рангда бўлади. Nido ўртача ширинликда бўлиб, меъдага тегмайди. Nestle савдо белгиси номи остида ишлаб чиқарилган Nido сутли ичимлиги икки хил ҳажмдаги қадоқларда ишлаб чиқарилган: кичик — 200 миллилитрли ва катта — 1 литрли. Маҳсулот сариқ рангда бўлиб, Nido деб ёзилган бу номнинг остида бир неча витаминлар қайд қилиб қўйилган.
Бизнинг электрон манзил: info@zira.uz
Telegram: t.me/zirauzuz
Instagram: https://www.instagram.com/zirauz/
Facebook: https://www.facebook.com/zirauz/
Zira.uz таҳририяти телефон рақами: (+99899) 837−15−15
