Ўзбекистон Футбол ассоциациясининг биринчи вице-президенти Умид Аҳмаджонов Марказий Осиё Футбол ассоциациясининг (CAFA) янги президенти этиб сайланди.
ЎФА матбуот хизматининг хабар қилишича, қарор шанба куни Тошкентда бўлиб ўтган CAFA ҳисобот-сайлов конгрессида қабул қилинди. Тадбирда Афғонистон, Эрон, Қатар, Қирғизистон, Тожикистон, Туркманистон ва Жанубий Кореядан делегатлар иштирок этди.
CAFA 2015 йилда ташкил этилган бўлиб, қароргоҳи Тошкентда жойлашган. Ўзбекистон Миллий олимпия қўмитаси ва Футбол федерациясининг собиқ раҳбари Мираброр Усмонов унинг биринчи президенти этиб сайланган. У 2017 йилда лавозимидан кетганидан сўнг CAFA президенти лавозими вакант эди.
