«Навбаҳор» ва «Бунёдкор» футбол клубларининг ҳар бири Ўзбекистон Футбол ассоциацияси ижро қўмитаси бюроси қарорини бузгани учун 500 млн сўмдан жаримага тортилди.
ЎФА матбуот хизматининг хабар қилишича, аввалроқ ўз ёшларини кичрайтиргани учун футболдан четлатилган ўйинчилар жамоалар таркибида ўртоқлик учрашувларида иштирок этган.
Жумладан, Наманганнинг «Навбаҳор» клуби ўйинчиси Ойбек Қиличев бир йил, «Бунёдкор» ўйинчиси Дилшод Аҳмадалиев — бир умрга футболдан четлатилган эди.
Клублар қоидабузарликлар такрорланган тақдирда янада қатъийроқ жазога тортилиши бўйича огоҳлантирилди.
