Ўзбекистон Туризмни ривожлантириш давлат қўмитаси аэропортни халқаро аэропортларни бошқариш бўйича махсус компания бошқарувига беришни кўзда тутувчи «Қарши» халқаро аэропортини ривожлантириш концепциясини ишлаб чиқади. Бу ҳақда Президент Шавкат Мирзиёевнинг «Кириш туризмини ривожлантириш чора-тадбирлари тўғрисида"ги қарорида сўз боради.
Аэропортни «Ўзбекистон ҳаво йўллари» Миллий авиакомпанияси таркибидан чиқариш режалаштирилган. Унинг ҳудудида «Очиқ осмон» режимини жорий этиш, шу жумладан, лоукостер авиакомпанияларини жалб қилиш белгиланган.
Концепция хориж тажрибасини ўрганиш асосида 1 июлга қадар ишлаб чиқилиши лозим.
