«Пахтакор» футбол клуби португалиялик ҳужумчи Исмаэл Гонсалвеш билан трансфер шартномасини имзолади, дея хабар қилди пойтахт жамоаси матбуот хизмати.
Исмаэл Гонсалвеш — Португалиянинг «Боавишта» клуби тарбияланувчиси. У «Ницца» (Франция), «Сент-Миррен» (Шотландия), «АПОЭЛ» (Кипр), «Вериа» (Греция), «Анортосис» (Кипр), «Ал-Иттифоқ» (Саудия Арабистони) ва «Хартс» (Шотландия) каби жамоаларда тўп сурган.
«Ушбу клубларнинг барчаси Исмаэл уларда ўйнаган вақтда олий лига вакиллари бўлган», — дейилади хабарда.
Футболчи Шотландия Лига Кубоги («АПОЭЛ», 2013) ва Кипр Суперкубогини («Сент-Миррен», 2013) қўлга киритган. У Португалия U-17 термасида ҳам тўп сурган.
