Uzbek Tigers ярим профессионал клуби 10 февраль куни Жаҳон бокс серияси WSB VIII мавсуми биринчи тури доирасида Cuba Domadores жамоасига қарши сафар учрашувини ўтказади. Бу ҳақда Ўзбекистон Бокс федерацияси «Газета.uz"га хабар қилди.
Янги мавсумда «Ўзбек йўлбарслари» Cuba Domadores (Куба), Colombian Heroicos (Колумбия), Caciques de Venezuela (Венесуэла) билан Америка гуруҳига тушди. Жорий йилда 12 та жамоа учта географик зона: Америка, Европа ва Осиёга тақсимланди. Дастлабки учрашувлар февралдан апрелгача бўлиб ўтади.
Ўзбекистон термаси кубаликларга қарши қуйидаги боксчилар билан баҳсга киришади: Худойназар Файзов (52 кг), Шунқор Абдурасулов (60 кг), Маҳмуд Ғоипов (69 кг), Мадиёр Сайдраҳимов (81 кг), Баҳодир Жалолов (+91 кг).
Жавоб учрашуви Тошкентда 27 февраль куни бўлиб ўтса, 1 март куни меҳмонда Колумбиянинг Colombian Heroicos жамоаси билан беллашув режалаштирилган.
Америка гуруҳи
- Uzbek Tigers
- Cuba Domadores
- Colombian Heroicos
- Caciques de Venezuela
Осиё гуруҳи
- Patriot Boxing Team
- China Dragons
- Astana Arlans Kazakhstan
- Indian Tigers
Европа гуруҳи
- Croatian Knights
- Italia Thunder
- France Fighting Roosters
- British Lionhearts
