22 январь куни Президент шавкат Мирзиёев томонидан тасдиқланган Ўзбекистоннинг 2018 йилги Давлат дастурида мамлакат ҳудудида шахсни тасдиқловчи ҳужжат сифатида идентификация карталарини (ID-карталар) жорий этиш кўзда тутилган.
Бундан ташқари, фуқаролар учун қўшимча қулайликлар яратиш мақсадида хорижга чиқиш жараёнларини соддалаштириш режалаштирилмоқда. Ўзгаришларни ўз ичига олган норматив-ҳуқуқий ҳужжат 20 апрелга қадар ишлаб чиқилиши лозим.
Эслатиб ўтамиз, аввал муҳокама учун эълон қилинган Давлат дастури лойиҳасида 1 июлдан амалдаги паспортни хорижга чиқиш паспорти сифатида тан олиш ва фуқаролик паспорти ўрнига ID-карталарни жорий этишни бошлаш таклиф қилинган эди. Тасдиқланган қоидалар таклиф этилганларидан фарқ қилади.
