Ўзбекистон Фавқулодда вазиятлар вазирлигининг маълумотига кўра, 18 январь куни маҳаллий вақт билан соат 10:30 да Ақтўбе вилояти Ирғиз туманида «Самара-Чимкент» автомобиль йўлининг 1068-километрида, Калибай аҳоли пунктидан 10-км узоқликда «Икарус» русумли йўловчи автобуси ҳаракатланиш чоғида ёниб кетган, дея хабар қилди ТИВ матбуот хизмати.
Автобус салонида 55 нафар йўловчи (дастлабки маълумотларга қараганда Ўзбекистон фуқаролари) ва 2 нафар ҳайдовчи бор бўлиб, улардан 5 кишига Қозоғистон Ички ишлар вазирлиги Фавқулодда вазиятлар қўмитасининг Ҳалокатларда тиббий ёрдам кўрсатиш маркази томонидан тиббий ёрдам берилган, қолган 52 киши воқеа жойида вафот этган.
Тирик қолган беш кишининг икки нафари — 1988 йилда туғилган Аҳрор Исаков ва 1980 йилда туғилган Исроилжон Мирзааҳмедов Ўзбекистон фуқаросидир.
Шу муносабат билан Ўзбекистоннинг Қозоғистондаги Элчихонаси ходимлари жойида ёрдам кўрсатиш учун зудлик билан Ирғиз туманига юборилди.
Ақтўбе вилояти Фавқулодда вазиятлар департаменти вилоят ҳокими ўринбосари раҳбарлигида тезкор штаб ташкил этди. Боғланиш учун алоқа рақамлари:
Ўзбекистоннинг Қозоғистондаги элчихонаси ҳам тезкор боғланиш учун телефон рақамини ташкил этди: + 7 777 218 20 10, электрон почта: emb-uzbekistan1@mail.ru.
